Whatsapp Data Leak: सध्या सोशल मीडिया आपल्या जीवनाचा अविभाज्य घटक बनला आहे. त्यातल्या त्यात व्हॉट्सअॅप (Whatsapp), याशिवाय आपलं कामच होऊ शकत नाही. पण याचसंदर्भात एक धक्कादायक बातमी समोर आली आहे. सुमारे 500 दक्षलक्ष व्हॉट्सअॅप युजर्सचे फोन नंबर लीक (Whatsapp Users Data Leak) झाले असून ते ऑनलाईन विकले जात आहेत. एका सायबर न्यूजच्या रिपोर्टमधून असा दावा करण्यात आला आहे. या अहवालानुसार, हे आतापर्यंतच्या सर्वात मोठ्या डाटा ब्रीचपैकी एक आहे.
सायबर न्यूजच्या (Cyber News) अहवालानुसार, एका लोकप्रिय हॅकिंग फोरमवर विक्रीसाठी डेटाबेसमध्ये 84 देशांतील व्हॉट्सअॅप युजर्सच्या वैयक्तिक माहितीचा समावेश आहे. डेटा विकणाऱ्या व्यक्तीचा दावा आहे की, सेटमध्ये एकट्या यूएसमधील 32 दशलक्ष युजर्सच्या रेकॉर्ड्सचा समावेश आहे. याशिवाय इजिप्त, इटली, फ्रान्स, यूके, रशिया आणि भारतातील लाखो युजर्सचा डेटाही लीक झाला असून, त्याची ऑनलाइन विक्री केली जात आहे.
7 हजार डॉलर्समध्ये मिळतोय अमेरिकेचा डेटासेट, तर भारताचा…
सायबर न्यूजच्या अहवालानुसार, यूएस डेटासेट 7000 डॉलर्समध्ये उपलब्ध आहे, तर यूके डेटासेटची किंमत 2500 डॉलर्स इतकी आहे. सायबर न्यूजनं सांगितलं की, डेटा विकणाऱ्या कंपनीशी संपर्क साधला असता त्यांनी पुरावा म्हणून 1097 क्रमांक शेअर केले. सायबर न्यूजनं हे सर्व नंबर तपासले आणि ते सर्व व्हॉट्सअॅप वापरकर्त्यांचे असल्याचं आढळून आलं. दरम्यान, हॅकरनं डेटा कसा मिळवला, हे मात्र अद्याप स्पष्ट केलेलं नाही.
News Reels
अशा माहितीचा वापर ऑनलाइन फसवणुकीत केला जातो
अशी माहिती अनेकदा सायबर गुन्ह्यांसाठी वापरली जाते जसे की स्मिशिंग आणि विशिंग, ज्यामध्ये वापरकर्त्यांना मजकूर संदेश पाठवणे आणि त्यांना लिंकवर क्लिक करण्यास सांगणे समाविष्ट असते. त्यानंतर वापरकर्त्याला त्यांचे क्रेडिट कार्ड किंवा इतर वैयक्तिक तपशील प्रदान करण्यास सांगितले जाते.
ऑनलाईन फ्रॉडसाठी वापरला जातो युजर्सचा डेटा
असा डेटा अनेकदा सायबर गुन्ह्यांसाठी वापरला जातो. जसं की, स्मिशिंग आणि विशिंग. ज्यामध्ये युजर्सना मेसेज पाठवून त्यातील लिंकवर क्लिक करण्यास सांगितलं जातं. त्यानंतर युजर्सना त्यांचं क्रेडिट कार्ड किंवा इतर व्यक्तिगत तपशील प्रदान करण्यासही सांगितलं जातं.
गेल्या वर्षीही झाला होता डेटा लीक
मेटाच्या मालकीच्या प्लॅटफॉर्मवर डेटा ब्रीच होण्याची ही पहिली वेळ नाही. गेल्यावर्षीही भारतातील 6 मिलियन रेकॉर्डसह 500 मिलियनहून अधिक फेसबुक युजर्सचा वैयक्तिक डेटा लीक झाल्याचं सांगण्यात आलं होतं. लीक झालेल्या डेटामध्ये फोन नंबर आणि इतर माहितीचा समावेश होता.