Technology News : भारतात तब्बल 69% इतका मोठा तंत्रज्ञान प्रणीत घोटाळ्यांचा उच्च दर असून जागतिक स्तरावर हे प्रमाण सर्वाधिक आहे असे नुकत्याच प्रकाशित झालेल्या अहवालात म्हटले आहे. या घोटाळ्यात 31% भारतीयांनी या आपले पैसे गमावले आहेत. आणि आता घरगुती उपकरणांची सेवा घेणाऱ्या ग्राहकांना मोठ्या प्रमाणात अशा घोटाळ्यांना सामोरे जावे लागत आहे.
आजच्या काळात पाहिल्यास, प्रत्येक घरात काम करण्यासाठी नवीन यंत्राचा, टेक्नॉलॉजीचा वापर केला जातो. यामध्ये अगदी भांडी घासण्यापासून ते कपडे धुण्यापर्यंत, स्वयंपाकापासून ते साफसफाईपर्यंत प्रत्येक कामासाठी लोक तंत्रज्ञानावर अवलंबून आहेत. हे यंत्र जर बंद पडलं तर ग्राहक लगेच दुसरा पर्यायी मार्ग शोधतात. इंटरनेटमुळे तर या गोष्टी अगदी सहज उपलब्ध होतात. मात्र, अनेकदा यातून फसवणुकीचे प्रमाणही वाढल्याचे दिसून येते.
या संदर्भात गोदरेज अप्लायन्सेसच्या सेवा विभागाचे वरिष्ठ उपाध्यक्ष अर्णब बागची यांनी काही मुद्दे सांगितले आहेत.
अनधिकृत सेवा केंद्र तयार करणे : फसवणूक करणारे सेवा केंद्र लोकप्रिय ब्रँडसाठी अधिकृत सेवा केंद्रे म्हणून असल्याचे दाखवतात. सर्च इंजिनवर त्यांचे स्वतःचे नंबर टाकतात. घाईत असलेला ग्राहक हा कंपनीचा सेवा क्रमांक असल्याचे समजून सेवा विनंती बुक करतात. त्यानंतर, ते फसवणूक करून पैसे आकारू शकतात आणि कोणतीही सेवा देत नाहीत किंवा ते बनावट सुटे भाग विकू शकतात.
अशा फसवणूक करणाऱ्यांच्या जाळ्यात अडकू नये म्हणून गोदरेज अप्लायन्सेस ग्राहकांना स्वतःचे संरक्षण करण्यासाठी काही सोप्या टिप्स देत आहे.
ब्रँडची अधिकृत सेवा केंद्रे शोधा : विक्रीपश्चात सेवेचे क्रमांक ऑनलाईन शोधण्याऐवजी प्रथम उत्पादनावरच ब्रँडचा सेवा संपर्क क्रमांक शोधा. जवळपास सर्व नामांकित कंपन्या त्यांच्या उत्पादनांवर टोलफ्री सेवा समर्थन क्रमांक नमूद करतात आणि त्यांच्या ग्राहकांना अधिक सुविधा देण्यासाठी या कंपन्यांची अनेक भाषांमध्ये सक्रिय कॉल सेंटर आहेत. अधिकृत टोलफ्री नंबर/व्हॉट्सअॅप नंबर तुमच्या फोनबुकमध्ये सेव्ह करून ठेवा किंवा ब्रँडचे अधिकृत मोबाइल अॅप डाउनलोड करा जे तुम्हाला जवळच्या अधिकृत सेवा पुरवठादारापर्यंत पोहोचण्यात मदत करू शकते. असे असूनही जर तुम्हाला सेवा क्रमांकासाठी ऑनलाइन शोधणे आवश्यक असेल तर केवळ ब्रँडच्या अधिकृत वेबसाइटवर शोध घ्या आणि सर्च इंजिनने दिलेल्या निकालांवर अवलंबून राहू नका.
तपशीलांकडे लक्ष द्या : बहुतेक ग्राहक घोटाळ्यांना बळी पडतात कारण त्यांना किरकोळ विसंगती लक्षात येत नाहीत. हे सेटअप अनेकदा ब्रँडच्या नावांची प्रतिकृती बनवण्याचा प्रयत्न करत बनावट वेबसाइट तयार करून, काहीवेळा ब्रँडचा लोगो वापरून आणि कॉल त्यांच्या स्वत:च्या नंबरवर वळवून ग्राहकांना फसवतात. त्रुटींकडे लक्ष दिले तर ग्राहकांना फिशिंग वेबसाइट ओळखण्यात मदत होऊ शकते. सर्वप्रथम, ग्राहकांनी माहितीच्या स्त्रोताचे प्रमाणीकरण करण्यासाठी शब्दलेखन तपासले पाहिजे, ब्रँडच्या नावाच्या स्पेलिंगमधील छोटेसे बदल ओळखले पाहिजेत. चांगला संवाद साधत नसलेल्या साईट पासून सावध रहा. डोमेन नाव तपासा, वेबसाइट URL मध्ये ‘https’ (http नाही) नमूद असल्याची खात्री करा आणि लॉक चिन्ह असणे आवश्यक आहे ते तपासा.
आगाऊ पैसे देण्यास सांगितल्यावर सावध रहा : जेव्हा तुम्हाला कोणत्याही सेवेसाठी किंवा नॉन-ब्रँडेड किंवा अज्ञात सेवा व्यक्तींकडून दुरुस्तीसाठी आगाऊ पैसे देण्यास सांगितले जाते तेव्हा तुम्ही घोटाळ्याचे बळी होण्याबाबत सावधगिरी बाळगली पाहिजे. त्याचप्रमाणे ग्राहकांनी बनावट फोन-कॉलपासून सावध राहणे आवश्यक आहे. त्यात वार्षिक उत्पादन सेवा देय आहे असे नमूद केले जाते आणि भेटीपूर्वी पैशांची मागणी केली जाते. ते असा दावा करू शकतात की तुम्ही काही फी भरल्यानंतर प्रशिक्षित तंत्रज्ञ समस्या सोडवण्यासाठी भेट देतील. तुम्ही आगाऊ पैसे भरल्यास, ते पैसे घेऊन गायब होऊ शकतात. जेव्हा तुम्ही अधिकृत ब्रँड सेवा केंद्राला कोणतीही रक्कम भरता, तेव्हा ती रक्कम सेवा केंद्रावर जमा होताच, ती प्रणालीमध्ये समाविष्ट होते. लगेच तुम्हाला ब्रँडकडून तुम्ही भरलेल्या रकमेचा तपशील देणारा एसएमएस प्राप्त होतो. शिवाय अधिकृत सेवा पुरवठादार देऊ केलेल्या सेवेसाठी एक इनवॉईस जारी करतात आणि सेवा पूर्ण झाल्यानंतर ग्राहकाची त्यावर स्वाक्षरी घेतात. कोणत्याही प्रकारची विसंगती टाळण्यासाठी ब्रँडद्वारे वेळेवर ती माहिती रेकॉर्ड केली जाते आणि नोंदवून ठेवली जाते. त्यापैकी काही कोड किंवा फीडबॅक लिंक पोस्ट सेवा देखील प्रदान करतात. कोणत्याही विसंगतीच्या बाबतीत आपण संपर्क साधू शकता आणि शंकेचे निराकरण करू शकता.